Future Stories: Vol.02

Exposición colectiva dos fotógrafos galegos novos Alba Chan, Sofía Dagá, Lucía Novais e Adrián Ramos, segunda promoción do programa Future Stories de apoio a creadores na súa carreira artística.

Durante tres meses, estes estudantes acabados de titular en Fotografía polas Escolas de Arte e Superior de Deseño Mestre Mateo de Santiago de Compostela, A Coruña e Ourense puideron aproveitarse en Milán dun intenso programa académico centrado na fotografía de moda financiado pola Fundación MOP e deseñado pola prestixiosa Fondazione Sozzani.

Entre outras actividades, o programa comprendía clases maxistrais e obradoiros a cargo de personalidades salientábeis do sector (fotógrafos, editores, estilistas, críticos de arte, comisarios, fotoxornalistas) e visitas a exposicións e institucións culturais en Milán e outras capitais europeas da moda como París.

Neste contexto os estudantes desenvolveron un proxecto artístico de seu coa axuda dos seus titores que será exposto agora no Silo do Centro MOP.