FILOSOFÍA

A FUNDACIÓN MARTA ORTEGA PÉREZ (FUNDACIÓN MOP) FOI CONSTITUÍDA EN ABRIL DE 2022.

A SÚA ACTIVIDADE, QUE XIRA ARREDOR DA CELEBRACIÓN DE EXPOSICIÓNS DE PRIMEIRO NIVEL, ESTÁ ESTRUTURADA SOBRE TRES PIARES: A CORUÑA, A FOTOGRAFÍA E A MODA.
O ESCENARIO DESTAS EXPOSICIÓNS É UN ESPAZO INDUSTRIAL NA ZONA PORTUARIA DA CORUÑA (PEIRAO DA BATERÍA) TRANSFORMADO POLA ARQUITECTA ELSA URQUIJO. ESTAS SON AS INSTALACIÓNS NAS QUE, EN 2021, SE CELEBROU A MOSTRA "PETER LINDBERGH: UNTOLD STORIES", QUE ATRAEU A MÁIS DE 110 000 VISITANTES E QUE IMPULSOU A CREACIÓN DA FUNDACIÓN MOP.

ENTRE NOVEMBRO DE 2022 E MAIO DE 2023, O PEIRAO DA BATERÍA ACOLLEU O NOVO PROXECTO DA FUNDACIÓN MOP: "STEVEN MEISEL 1993 A YEAR IN PHOTOGRAPHS", A MOSTRA QUE RECOLLÍA O TRABALLO DESTE MESTRE DA FOTOGRAFÍA DURANTE 1993, UN ANO DECISIVO NA SÚA CARREIRA, QUE DESPUNTA POLA SÚA ESTREITA COLABORACIÓN CON VOGUE E NO QUE CHEGOU A ASINAR 28 PORTADAS E MÁIS DE 100 EDITORIAIS PARA A REVISTA.

Este outono, a Fundación MOP volverá marcar un fito no calendario artístico cunha gran exposición dedicada á vida e a obra do lendario fotógrafo xermano-australiano Helmut Newton.

Helmut Newton - Fact & Fiction, impulsada en estreita colaboración coa Fundación Helmut Newton e comisariada por Philippe Garner, Matthias Harder e Tim Jefferies, poderá visitarse do 18 de novembro de 2023 ao 1 de maio de 2024.

A FUNDACIÓN MOP DISPÓN, ADEMAIS , DUN PROGRAMA EDUCATIVO QUE PRETENDE LEVAR A FIGURA DESTES GRANDES FOTÓGRAFOS ÁS AULAS GALEGAS E IMPULSAR, ASÍ, O ALCANCE DA MOSTRA A NIVEL LOCAL E DO PROXECTO FUTURE STORIES, DIRIXIDO AO APOIO A CREADORES NA SÚA CARREIRA ARTÍSTICA.